«Қазақстан Республикасы Бас прокуратурасының жанындағы Құқық қорғау органдарының академиясы» республикалық мемлекеттік мекемесі (бұдан әрі – Академия) білім беру мазмұнын және білім беру қызметін ұйымдастыруды дербес айқындайтын ерекше мәртебесі бар коммерциялық емес білім беру ұйымы болып табылады.

Академия Қазақстан Республикасы Президентінің 2015 жылғы 4 мамырдағы №15 Жарлығы бойынша құрылды және келесі міндеттерді жүзеге асырады:

  • құқық қорғау органдары қызметкерлерінің, оның ішінде Президенттік резервте тұрған қызметкерлердің кәсіби деңгейін арттыру;
  • құқық қорғау қызметі саласында ведомствоаралық ғылыми-зерттеулерді үйлестіру және жүргізу;
  • жоғары оқу орнынан кейінгі білім беру бағдарламаларын жүзеге асыру.

Бүгінгі күні Академия қалыптасу кезеңінен өтті, айтарлықтай жұмыс атқарды.

«Құқық қорғау қызметі» және «Құқықтану» мамандықтары бойынша жоғары оқу орнынан кейінгі білім беру бағдарламалары (магистратура және докторантура) бойынша білім беру қызметін жүзеге асыру құқығына лицензиялар алынды.

Нормативтік-құқықтық база әзірленіп, енгізілді, консультативтік-кеңесші, алқалық басқару органдары (Ғылыми, Оқу-әдістемелік және Диссертациялық кеңестер) құрылды.

2017 жылы Академияны Білім және ғылым министрлігі Ғылыми-техникалық қызмет субъектісі ретінде аттестаттады.

2018 жылы білім беру сапасын қамтамасыз ету жөніндегі Тәуелсіз агенттік оқу орнын институционалдық аккредиттеуден өткізді. Іске асырылып жатқан білім беру бағдарламаларының барлық талаптар мен стандарттарға сәйкестігі туралы 2024 жылдың 19 қаңтарына дейін бес жыл мерзімге куәлік алынды.

Бұл академияға артықшылық береді және жоғары оқу орнының рейтингін одан әрі арттыруға, қазақстандық жоғары оқу орындары арасында бәсекелестік позицияларды нығайтуға ықпал етеді.

Оқыту бағдарламалары қадағалау қызметінің негізгі бағыттарына (қылмыстық процесті жаңғырту, қоғамдық мүдделерді қорғау, атқарушылық іс жүргізу, әкімшілік және азаматтық заңнамалар саласында) бағдарланған, сондай-ақ сыбайлас жемқорлыққа қарсы қызмет (мемлекеттік органдар мен квазимемлекеттік сектордағы сыбайлас жемқорлыққа қарсы іс-қимыл) және экономикалық тергеу қызметі (экономика саласындағы қылмыстар) қызметінің ерекшелігін ескереді.

Қызметкерлердің біліктілігін арттыру курстарының тақырыбы практика қажеттілігін талдау және бағалау жолымен қалыптасады.

Жалпы 2015 жылдан бастап Академия қабырғасында құқық қорғау органдарының 5000-нан астам қызметкері біліктілігін арттырудан және қайта даярлаудан өтті, 2019 жылдан бастап қашықтықтан оқыту нысаны бойынша білім беру процесі басталды.

Президенттік резервте тұрған адамдарды даярлау жүйесі құрылып, жолға қойылды. Курстардың тақырыбы ұлттық қауіпсіздікті қамтамасыз ету, терроризм мен экстремизмге қарсы тұру, сыбайлас жемқорлық және ақпараттық технологияларды пайдалану мәселелерінен тұрады.

Президенттік курстарда прокуратура, Ішкі істер, Ұлттық бюро және экономикалық тергеу қызметінен 86 басшы өз біліктілігін арттырды, оның 23-і жоғары лауазымдарға тағайындалды.

Халықаралық ынтымақтастық саласында ЕҚЫҰ, ЕО, БҰҰ, Интерполдың, INTERRA, ITEC, Дүниежүзілік Банктің, MASHAV агенттігінің серіктестерімен, шет елдердің (АҚШ, Түркия, Израиль, ГФР, Венгрия, Франция, Ресей, Ұлыбритания, Үндістан) елшіліктерімен және өкілдіктерімен тығыз өзара іс-қимыл жолға қойылған.

Олардың көмегімен Австрияда, Венгрияда, Грузияда, Қырғызстанда, Литвада және т. б. халықаралық іс-шараларға қатысу және оқыту, тәжірибе алмасу үшін прокуратураның 80 қызметкерінің шетелге шығуы ұйымдастырылды.

Академия базасында 2016 жылдан бастап жаһандық қауіп-қатерлерге қарсы тұру бойынша Өңірлік хаб жұмыс істейді. Бұл экстремизм мен терроризм, есірткінің заңсыз айналымы, заңсыз көші-қон және адам саудасы, экологиялық қылмыс, киберқылмыс, қаржылық қылмыстар және сыбайлас жемқорлық.

Қазақстандық құқық қорғау органдарының қызметкерлерімен қатар хабта Өзбекстан, Қырғызстан, Тәжікстан, Түрікменстан, Ауғанстан және Пәкістаннан келген қызметкерлер білім алуда.

Ол құрылғаннан бері халықаралық сарапшылардың қатысуымен 42 тренинг өткізілді, құқық қорғау органдарының 1378 қызметкері оқытылды, қаржылық қылмыстарды тергеу бойынша 10 ұлттық жаттықтырушы дайындалды.

2018 жылғы сәуірде Академияға берілген ТМД-ға қатысушы мемлекеттердің базалық ұйымы мәртебесі шеңберінде салықтық (қаржылық) тергеу органдары үшін кадрлардың біліктілігін арттыру және қайта даярлау бойынша 2 халықаралық семинар өткізілді.

Құқық қорғау органдарының бірыңғай ғылыми саясатын қалыптастыру мақсатында ғылыми-әдістемелік кеңес құрылды, оның құрамына құқық қорғау органдарының аппараттары мен кадр қызметтерінің басшылары, ғылыми қоғамдастықтың өкілдері енгізілген.

Академия жүргізетін ғылыми-зерттеулер ведомствоаралық сипатқа ие және құқық қорғау қызметіндегі стратегиялық міндеттерді шешуге бағытталған.

Олардың тақырыбы Жалпыұлттық жоспардың, құқықтық саясат жөніндегі кеңестің және өзге де бағдарламалық құжаттардың іс-шараларымен байланысты.

Ғылыми-зерттеулердің нәтижелері кең ақпараттық алаңдарда талқыланады, практикалық қызметке және оқу процесіне енгізіледі.

Жоғары оқу орнынан кейінгі білім беру желісі бойынша Академия «Құқықтану» және «құқық қорғау қызметі»мамандықтары бойынша кадрлар даярлауды жүзеге асырады.

Құқық қорғау органдары үшін басқару және ғылыми-педагогикалық кадрларды даярлауға басты назар аударылды.

2015-2019 жылдар аралығында 105 магистрант және 13 докторант шығарылды.

2019 жылы конкурстық іріктеу қорытындысы бойынша докторантураға – 10 қызметкер, магистратураға – 39 қызметкер қабылданды және 1 қыркүйектен бастап оқуды бастады.

2020 жылдан бастап магистратура бойынша қашықтықтан оқытуды енгізу жоспарланып отыр. Бұл үшін барлық құқықтық база дайындалды. Техникалық сұрақтар мен оқу-әдістемелік материалдар пысықталуда.

Лицензия

Аккредиттеу туралы куәлік

Ғылыми-білім беру қызметі сапасын ішкі қамтамасыз ету саласындағы саясат