Шет тілінен емтихан

Шетел тілі бойынша емтихан (таңдау бойынша – ағылшын, неміс, француз) 3 – 7 тамыз аралығында (жыл сайын Қазақстан Республикасы БҒМ Ұлттық тестілеу орталығы белгілейді) өткізілуі жоспарланған.

Емтихандар Қазақстан Республикасы БҒМ Ұлттық тестілеу орталығының базасында және олар әзірлеген технологиялар бойынша өткізіледі. Шет тілінен емтихан тапсыруға онлайн режимде өтініш беру және сынама тестілеуден өту бойынша қосымша ақпарат Ұлттық тестілеу орталығының app.testcenter.kz сайтында

Өту балы: 30 балдан кем емес(бағалаудың 100 балдық шкаласы бойынша)

Шет тілін меңгеруді растайтын мынадай халықаралық сертификаттары бар үміткерлер босатылады:

Ағылшын тілі:

магистратуруға: TOEFL ITP кемінде 163 балл // TOEFL IBT кемінде 46 балл // TOEFL PBT кемінде 453 балл // TOEFL PDT кемінде 65 балл // IELTS кемінде 5.5

докторантураға: TOEFL ITP кемінде 138 балл // TOEFL IBT кемінде 32 балл // TOEFL PBT кемінде 400 балл // TOEFL PDT кемінде 47 балл // IELTS кемінде 4.5

Неміс тілі:

магистратуруға: DSH (Niveau С1/С1 деңгейі) // TestDaF-Prufung (Niveau С1/С1 деңгейі)

докторантураға: DSH (Niveau В2/В2 деңгейі) // TestDaF-Prufung (Niveau В2/ В2 деңгейі)

Француз тілі:

TFI – оқу және тыңдалым секциялары бойынша B1 деңгейден төмен емес // DELF – B2 деңгейі // DALF –C1 деңгейі // TCF – кемінде 400 балл.

  • Мемлекеттік немесе ресми тілі ағылшын тілі болып табылатын елдерде шетелдік жоғары және жоғары оқу орнынан кейінгі білім беру ұйымдарын аяқтаған және Экономикалық ынтымақтастық және даму ұйымына (ЭЫДҰ) мүше мемлекеттердің аккредиттеу органдарының тізіліміне және (немесе) қауымдастығына енгізілген шетелдік аккредиттеу органдарының мамандандырылған аккредитациясы бар тұлғалар 5 жыл ішінде:

1) оқыту қазақ немесе орыс тілінде жүргізілетін магистратураға шетел тілі (ағылшын тілі) бойынша түсу емтихандарынан босатылады.

2) докторантураға түсу үшін шетел тілін меңгерудің жалпыеуропалық құзыреттеріне (стандарттарына) сәйкес шетел тілін меңгергенін растайтын халықаралық сертификаттарды ұсынбайды.

 

ӨТІНІШ БЕРУ БОЙЫНША АҚПАРАТ