Құқық қорғау органдары академиясында «Қылмыстық процестегі процессуалдық шығындар институты – проблемалар мен перспективалар» тақырыбында онлайн-режимде халықаралық дөңгелек үстел өтті.
Форум жұмысына жоғары және ведомстволық оқу орындарының, Құқық қорғау органдарының өкілдері, отандық және шетелдік құқықтанушы ғалымдар қатысты.
Күн тәртібінің басты тармағы Академияның Ведомствоаралық ғылыми-зерттеу институты жүргізген «Қазақстан Республикасындағы сотқа дейінгі тергеудің іс жүргізу шығындары» ғылыми зерттеуінің нәтижелерін талқылау болды.
Кездесуге қатысушылар атқарылған жұмыстарға жоғары баға беріп, өз тілектерін білдірді. Атап айтқанда, авторлар сотқа дейінгі тергеудің іс жүргізу шығындарын есептеу әдістемесін ұсынды, ол ғалымдардың мақұлдауына ие болды.
Жалпы алғанда, практикалық және әдіснамалық ұсыныстар Іс жүргізу шығындары институтын жетілдіруге бағытталған аналитикалық жұмысты жалғастыру үшін жақсы негіз болады.
Дөңгелек үстел қорытындысы бойынша баяндамалар жинағын шығару жоспарлануда.
