«Экономикалық қызмет саласындағы жеке қылмыстық құқық бұзушылықтарды тергеу» тақырыбындағы біліктілікті арттыру курстары аяқталды.
Оқытудан Қаржы мониторингі комитетінің экономикалық тергеу қызметінің орталық және аумақтық бөлімшелерінің қызметкерлері өтті.
Оқу бағдарламасы қызметкерлердің өз міндеттерін тиімді орындауы үшін теориялық және практикалық білімді, қажетті дағдыларды және қабілеттерді тереңдетуге және кеңейтуге бағытталған.
Осыған байланысты, оқу жоспарын әзірлеу барысында экономикалық құқық бұзушылықтарды тергеудің ең проблемалы мәселелері ескерілді. Атап айтқанда, оқытудың негізгі тақырыптары кеден саласындағы, салықтық құқық бұзушылықтардағы тергеу әдістерін, сондай-ақ жаңа технологиялар арқылы қылмыстық кірістерді жылыстатуды зерттеу болды.
