Құқық қорғау органдары академиясында қалалық, аудандық прокурорлардың лауазымдарына кадрлық резервте тұрған прокуратура қызметкерлері үшін «Прокуратура органдарындағы қызметті ұйымдастыру мен басқарудың заманауи тәсілдері» атты біліктілікті арттыру курстары өтті.
Оқытудың арнайы бағдарламасы кәсіби және басқарушылық құзыреттілікті жетілдіруге, басшының жеке тиімділігін арттыруға, көшбасшылық қасиеттерді алуға, аналитикалық жұмыс негіздерін меңгеруге бағытталған.
Тыңдаушылар Шешендік шеберлік, қақтығыстарды басқару дағдыларын игерген. Құқық қорғау органдарының заманауи ақпараттық жүйелерін пайдалану бойынша өз білімдерін жетілдірді.
Тренингтерді практикалық тәжірибесі мол Академия оқытушылары, сондай-ақ Бас прокуратура қызметкерлері өткізді.
