Қазақстан Республикасы Бас прокуратурасының жанындағы Құқық қорғау органдары академиясында қызметкерлерді, ардагерлер мен қонақтарды құрмет, алғыс және ұрпақтар сабақтастығы рухында біріктірген салтанатты іс-шара өтті.
Іс-шараға қатысушыларға мемлекеттік мерекелерге орай шынайы құттықтаулар жолданды. Отан қорғаушылар күні ерлік пен абыройдың, қызметке адалдықтың, сондай-ақ ел қауіпсіздігін қамтамасыз ету жолында аянбай еңбек етіп жүрген барлық азаматтардың, оның ішінде қызметтік борышын абыроймен атқарып жүрген әйелдердің жоғары үлесінің белгісі екені атап өтілді. Жеңіс күні жеңімпаздар ұрпаққа естелік, батырлық пен өлшеусіз алғыстың белгісі ретінде айшықталды.
Соғыс жылдарында 1,2 миллионнан астам қазақстандық майданға аттанып, олардың әрбір екіншісі ұрыс даласынан оралмады. Бұл деректер – жай ғана статистика емес, бейбітшіліктің бағасы мен ерліктің ұлылығын еске салатын терең тағылым.
Іс-шара барысында бүгінгі буын аға ұрпақтың жолын лайықты жалғастырып, заңдылық пен құқықтық тәртіпті қамтамасыз ету жолында қызмет етіп жатқаны атап өтілді. Сондай-ақ Мемлекет басшысы Қасым-Жомарт Тоқаев бастамасымен биылғы жылдың Құқық қорғау органдарындағы ведомстволық білім беру сапасын арттыру жылы болып жариялануы кадр даярлау, ғылым және кәсіби құзыреттерді дамыту жүйесіне тың серпін беретіні айтылды.
Бүгінде Академияда білім беру және ғылыми ортаны жаңғыртуға бағытталған жүйелі өзгерістер дәйекті түрде жүзеге асырылып келеді. Басшылық ведомстволық білім беруді дамытуға қосқан үлесі үшін ұжымға алғыс білдіріп, оқу орнының қалыптасу бастауында тұрған ардагерлерге ерекше ризашылығын жеткізді.
Іс-шара Академия қызметкерлері мен ардагерлерін марапаттау рәсімімен қорытындыланып, олардың еңбегі мен қызметтік борышқа адалдығына көрсетілген құрметтің айқын көрінісіне айналды.
Құқық қорғау органдары
академиясының баспасөз қызметі
Телефон: +7 (778) 555-25-15
Email: 7340114@prokuror.gov.kz
