2025 жылғы 10 тамызда қазақтың ұлы ақыны, ойшыл және ағартушы Абай Құнанбайұлының туғанына 180 жыл толған күні Қазақстан Республикасы Бас прокуратурасының жанындағы Құқық қорғау органдары академиясының қызметкерлері мен тыңдаушылары оның Астанадағы ескерткішіне гүл шоқтарын қойды.
Абай Құнанбайұлының артына қалдырған рухани-адамгершілік мұрасының өзегі – әділдік, адалдық, қоғамға қызмет ету идеялары. Бұл қағидаттар заңдылықты нығайтуға, азаматтардың құқықтарын қорғауға және әділдікті қамтамасыз етуге бағытталған құқық қорғау жүйесінің миссиясымен үндеседі.
Гүл шоқтарын қою ұлы ойшылға деген ризашылықтың белгісі және рухани мұраның мемлекеттің құқықтық негіздерімен ажырамас байланысын еске салу болды. Қатысушылар Абай өсиеттерінің бүгінгі күні де өзекті екенін, елге адал қызмет етуге шабыт беретінін атап өтті.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
