Қазақстан Республикасы Бас прокуратурасының жанындағы Құқық қорғау органдары академиясы Бас прокуратура қызметкерлерінің алғашқы кәсіптік даярлық тыңдаушыларымен кездесуін ұйымдастырды.
Кездесудің мақсаты жас прокурорларды практикалық қызмет жағдайларына бейімдеу мәселелері болды.
Осындай іс-шаралар прокуратураның орталық аппаратының өкілдері мен түлектер арасындағы ашық диалог үшін тиімді алаң бола отырып, тұрақты негізде өткізіледі.
Іс-шараға Бас прокуратураның Кадрлық жұмысы департаментінің қызметкерлері — Департамент бастығының орынбасары Ілияс Айбар және Департамент басқармасының бастығы Ернұр Уәли, сондай-ақ Бас Прокурордың аға көмекшісі Арсен Марат және Қосшы қаласының прокуроры Данияр Ізбасаров қатысты.
Спикерлер қызметтік мінез-құлықтың жоғары моральдық-этикалық стандарттарын дамытуға, сыбайлас жемқорлық пен қызметтік өкілеттікті асыра пайдалануды болдырмауға бағытталған «Адал Азамат» тұжырымдамасын жүзеге асыру барысын жан-жақты талқылады.
Тыңдаушылардың қоғам мен мемлекетке қызмет етудің маңыздылығын түсінуі тұрғысынан мемлекет пен қоғамның «Заң мен тәртіп» қағидатының негізгі постулаттары түсіндірілді.
Кездесуге қатысушылар ашық форматта сұрақтар қоюға, қызметтің практикалық аспектілерін талқылауға және құнды ұсыныстар алуға мүмкіндік алды.
Өткізілген іс-шара Құқық қорғау органдары академиясының құрылғанына 10 жыл толуына орай ерекше маңызға ие болды. Өткен онжылдықта Академия прокуратура органдарының кәсіби корпусын қалыптастыруға елеулі үлес қоса отырып, прокурорлық кадрларды даярлау мен іріктеудің негізгі орталығы ретінде орнықты.
Кездесудің мұндай форматы прокуратураның кадрлық әлеуетін одан әрі нығайтуға, жас мамандардың кәсіби даярлық деңгейін арттыруға, сондай-ақ оларда тұрақты моральдық-этикалық қағидаттарды қалыптастыруға ықпал етеді, бұл, сайып келгенде, заңдылық пен құқықтық тәртіп мүддесінде қызметтік міндеттерді табысты орындаудың кепілі болып табылады.
Құқық қорғау органдары
академиясының баспасөз қызметі
Телефон: +7 (778) 615-41-81
Email: 7171498@prokuror.kz
