2024 жылғы 30 қыргүйек пен 4 қазан аралығында Сочиде 36 елден қатысушылардың басын қосқан қаржылық қауіпсіздік бойынша IV халықаралық олимпиада өтті. Олардың ішінде Құқық қорғау органдары академиясының өкілдері – екінші курс магистранттары жақсы өнер көрсетті.
Біздің магистранттар панельдік пікірталастарды, шеберлік сабақтарын және спорттық жарыстарды қамтитын іс-шараның динамикалық бағдарламасына белсенді қатысты. Олардың жоғары білім деңгейі мен кәсіби дайындығы назардан тыс қалмады.
Ислам Қаландаров пен Азамат Нұғмановтың қатысуы ерекше назар аударуға тұрарлық, олар қаржылық қауіпсіздік саласындағы елеулі жетістіктері және «Сыни ойлау – қаржылық қауіпсіздік қатерлеріне қарсы тұру факторы ретінде» атты талқылауға белсенді қатысқаны үшін құрмет грамоталарымен марапатталды.
Сонымен қатар Қазақстан құрамасы командасында қатысу тарихында алғаш рет магистранттарымыз олимпиаданың жүлдегерлері атанды. «Grafus» көлеңкелі схемаларды зерттеуге арналған интеллектуалды турнирде олар құрметті үшінші орынды иеленді. Бұл жетістік Академия білім алушыларының жоғары дайындық деңгейін және олардың әлемдік аренадағы бәсекеге қабілеттілігін көрсетеді.
Олардың спорттық жарыстағы өнерлері де ерекше болды: «4 континенттің кубогы» фиджитал-баскетбол турнирінде жеңіске жеткені үшін біздің білім алушыларымыз медальдармен және сертификаттармен марапатталды, ал орыс халық ойындарының фестиваліне қатысу да марапатқа ие болды.
Жеңімпаздарымызды құттықтаймыз және олардың халықаралық аренадағы алдағы жетістіктеріне сенім білдіреміз.
Құқық қорғау органдары академиясының
баспасөз қызметі
