Бүгін Құқық қорғау органдары академиясында Экономикалық Ынтымақтастық және Даму Ұйымының (ЭЫДҰ) Шығыс Еуропа және Орталық Азия бойынша Сыбайлас жемқорлыққа қарсы желісімен (ACN) ынтымақтастықта «Сыбайлас жемқорлық қылмыстармен күресудің халықаралық стандарттары мен ұлттық практикасы» тақырыбында дөңгелек үстел өтті.
Сараптамалық семинар Қазақстанда негізсіз байытуды криминализациялау бойынша халықаралық стандарттар мен озық тәжірибелердің қолданылуы, сондай-ақ аяқталған қылмыс ретінде пара беру уәделері мен ұсыныстары мәселелеріне арналған. Іс-шараға Бас прокуратураның, Сыбайлас жемқорлыққа қарсы іс-қимыл агенттігінің және Қаржылық мониторинг агенттігінің өкілдері қатысты.
Семинарда белгілі халықаралық және ұлттық сарапшылар, соның ішінде Қазақстан үшін сыбайлас жемқорлыққа қарсы жобаның менеджері, ЭЫДҰ ACN сарапшысы Марис Урбанс та баяндамашылар ретінде сөз сөйледі, олар қылмыс құрамын тұжырымдауға және оны пара беру уәдесі мен ұсынысы тұрғысынан құқықтық түсіндірудің негізгі халықаралық тәсілдерін ұсынды.
Пікірталастар сыбайлас жемқорлық әрекеттерін криминализациялау мен санкциялаудың негізгі аспектілеріне қатысты, әсіресе Қазақстанда ең көп пікірталас тудыратын аяқталған қылмыс ретінде пара беруге уәде бергені және ұсынғаны үшін қылмыстық жауаптылық контекстінде болды.
Дөңгелек үстел Қазақстандағы сыбайлас жемқорлыққа қарсы күрес деңгейін арттыру және ұлттық органдар мен халықаралық әріптестер арасындағы ынтымақтастықты күшейту жөніндегі кең бастаманың бір бөлігі болып табылады.
Құқық қорғау органдары академиясының
баспасөз қызметі
