Әл-Фараби атындағы ҚазҰУ-да өткен «КримЭкс-2023» криминалистика және сот сараптамасы бойынша жыл сайынғы республикалық олимпиаданың қорытындысы бойынша Құқық қорғау органдары академиясының командасы құрметті 2-орынға ие болды.
Байқауға Қазақстанның барлық өңірлерінен, оның ішінде мамандандырылған оқу орындарынан 13 жоғары оқу орындарының командасы қатысты.
Олимпиада криминалистикалық техниканы, қылмыстың жекелеген түрлерін тергеу тактикасы мен әдістемесін білуге теориялық және практикалық тапсырмаларды орындауды қамтыды. Қатысушылар криминалистика саласындағы білімдерін көрсетті, материалдық іздерді алу, негізгі тергеу әрекеттерін жүргізу, Сот сараптамасының негіздерін меңгеру дағдыларын көрсетті.
Іс-шара студенттер мен жас ғалымдарды криминалистика саласындағы заманауи ғылыми мәселелерді талдауға және шешуге тартуға, ғылыми қызметке қызығушылықты дамытуға бағытталған.
Құқық қорғау органдары академиясының баспасөз қызметі
