Құқық қорғау органдары академиясы мен ЕҚЫҰ-ның Душанбедегі бағдарламалық Кеңсесі 2022 жылғы 29 қараша мен 2 желтоқсан аралығында Тәжікстан Республикасы прокуратурасы мен полициясының қызметкерлері үшін онлайн кеңістіктегі адам саудасына қарсы іс-қимыл мәселелері бойынша екі тренинг өткізді.
Академия қызметкерлері ұлттық сарапшылар, негізгі жаттықтырушылар және оқыту іс-шараларын ұйымдастырушылар ретінде сөз сөйледі.
Қатысушылар адам саудасы саласындағы заманауи үрдістермен, оның көріну нысандарымен танысты, тәуекелдерді бағалау, дәлелдемелерді анықтау, бекіту және алу, интернет-платформалар арқылы осындай қылмыстарды тергеу бойынша практикалық құралдармен жұмыс істеу дағдыларын алды.
25 қарашада бүкіл әлемде «Гендерлік зорлық-зомбылыққа қарсы 16 күндік белсенді әрекет» науқаны басталғанын ескерсек, тренингтерде адам саудасына қарсы іс-қимылдың гендерлік аспектілеріне ерекше назар аударылады.
Құқық қорғау органдары академиясының баспасөз қызметі
