Бас прокуратураның тапсырмасы бойынша Академияның Ведомствоаралық ғылыми-зерттеу институты активтерді қайтару туралы қылмыстық істер бойынша дәлелдеу мәселелері бойынша ғылыми зерттеу әзірлеуге кірісті.
Ғылыми жұмыстың негізгі мақсаты – қаралып отырған санаттағы істер бойынша дәлелдемелерді жинау мен бағалаудың проблемалық мәселелерін анықтау және талдау, сондай-ақ ұрланған қаражатты анықтау және қайтару жөніндегі халықаралық құқықтық құралдарды зерделеу.
Қазіргі уақытта қылмыстық қудалау органдарының күш-жігері негізінен кінәлі адамдарды қылмыстық жауапкершілікке тартуға бағытталған.
Бұл ретте сотқа дейінгі және сот тергеуі барысында шетелге заңсыз әкетілген мүлікті қайтаруды қамтамасыз ету мәселелері көбінесе, атап айтқанда, дәлелдеудің күрделілігіне байланысты тиісті назар алусыз қалады.
Осыған сүйене отырып, зерттеу авторларының басты міндеттерінің бірі – практикада қолдануға ыңғайлы, сонымен қатар дәлелдемелер жинаудың қадамдық алгоритмдері бар әдістемелік ұсыныстарды әзірлеу.
Қаралып отырған тақырыптың жаңалығы мен өзектілігін ескере отырып, мүдделі тұлғаларды жүргізіліп жатқан зерттеу шеңберінде ынтымақтастыққа шақырамыз.
Сарапшылар ретінде қатысу үшін ұсыныстар мен өтінімдерді электрондық мекенжайларға жіберулеріңізді сұраймыз: 7171194@prokuror.kz, 7171176@prokuror.kz.
