Академия Ресей Федерациясының жетекші заң жоғары оқу орындарымен сындарлы ынтымақтастық орнатқан.
Ресей Федерациясы ІІМ Басқару академиясы ұйымдастырған «Ғылыми кітап» байқауына біздің ғалымдарымыздың қатысуы дәстүрге айналды. Бұл ЖОО Ресей ІІМ жүйесінің бас ғылыми-әдістемелік орталығы, сондай-ақ ішкі істер органдарының басшы құрамын даярлау және біліктілігін арттыру бойынша ТМД елдері-мемлекеттерінің базалық ұйымы болып табылады.
2021 жылы бұл байқауда Беларусь, Қазақстан, Ресей және Тәжікстанның 52 ғылыми және білім беру мекемелерінен 167 еңбек ұсынылғаны іс-шараның жоғары деңгейін көрсетеді.
Конкурс нәтижелері бойынша «Қылмыстық процесс» негізгі номинациясында 1-орынды «Қылмыстық процесте азаматтардың құқықтарын қорғау кепілдіктерін күшейту» атты монографиямыз иеленді (ISBN 978-601-7969-48-6).
Халықаралық байқаулардағы жүлделі орындар Академия өткізетін ғылыми ізденістердің тиімділігін тағы да растайды.
Осы байқауда 2020 жылы біздің «Жеке өмірге қол сұқпаушылық» атты тағы бір монографиямыз «Конституциялық құқық» номинациясында 2 орын алған болатын.
«Қылмыстық процесте азаматтардың құқықтарын қорғау кепілдіктерін күшейту» монографиясы туралы бірнеше сөз.
Жыл сайын еліміздің жүздеген мың азаматтары қылмыстық процесте олардың конституциялық құқықтарын құқықтық қорғаудың тиімді тетіктерін қажет етеді. Бұл қорғаушы тарап үшін де, айыптаушы тарап үшін де бірдей.
Мәселені жан-жақты зерттеу көрсеткендей, қолданыстағы отандық қылмыстық іс жүргізу заңнамасында ең жақсы әлемдік тәжірибелер бар және тұтастай алғанда халықаралық стандарттарға сәйкес келеді.
Монографияда теориялық және практикалық сипаттағы бірқатар ұсыныстар бар. Олардың барлығы қылмыстық процесті оңайлату және мемлекеттің конституциялық міндеттемелері шеңберінде оның репрессивтілігін барынша азайту мақсатын көздейді.
Жалпы ұсынылған жұмысты барлық мүдделі тараптармен қылмыстық процесті одан әрі реформалаудың іргелі демократиялық қағидаттарына негізделген байыпты қажеттілік туралы адал диалог ретінде қарастыруға болады деп санаймыз (Толығырақ Академия репозиторийінде: https://academy-rep.kz/item.php?id=79).
