Жеңіс күні қарсаңында Құқық қорғау органдары академиясы тыл еңбеккерлері мен соғыс балалары үшін «Ардагерге құрмет!» атты дәстүрлі қайырымдылық акциясын ұйымдастырды. Оған жоғары оқу орнының білім алушылары мен қызметкерлері қатысты.
Ұйымдастырушылар Қосшы ауылындағы 12 ардагердің үйіне барып, Академия басшылығының атынан алғыс хаттар және азық-түлік себеттерін табыстады.
Егде жастарына қарамастан көптеген ақсақалдар Соғыс ардагерлері кеңесінің жұмысына қатысып, жастармен әскери-патриоттық жұмыстар жүргізуде.
Қонақтар ардагерлердің соғыс және соғыстан кейінгі жылдар туралы әңгімелерін тындап, оларға шын жүректен алғыс айтып жылы лебіздерін білдірді.
