Құқық қорғау органдары академиясы онлайн форматта Қазақстандағы есірткіні тұтыну деңгейін бағалау проблемаларына арналған халықаралық дөңгелек үстел ұйымдастырды.
Іс-шараға осы тақырып бойынша ведомствоаралық ғылыми зерттеудің авторлары, Орталық Азиядағы БҰҰ Есірткі және қылмыс басқармасының өкілдері, сарапшылар қатысты.
Кездесуге қатысушылар күн тәртібінің ерекше өзектілігін атап өтіп, есірткінің заңсыз таралуына қарсы іс-қимыл бойынша күш-жігерді біріктіру қажеттігін атап өтті.
Сондай-ақ, есірткіні тұтыну деңгейін бағалау процесінде туындайтын негізгі проблемаларды талқылады, осы тақырып бойынша жүргізіліп жатқан зерттеулер туралы айтып берді, халықаралық практикадан алынған оң тәжірибелерімен бөлісті.
Дөңгелек үстел қорытындысы бойынша көтерілген мәселелер бойынша өзекті ұсыныстар әзірленді, ғылыми саладағы ынтымақтастықты одан әрі кеңейту ұсынылды.
