2020 жылғы 10 сәуірде Қазақстан Республикасы Бас прокуратурасының жанындағы Құқық қорғау органдарының академиясы «Қазіргі заң ғылымының дамуы: теория және практика» атты халықаралық ғылыми-тәжірибелік конференция өткізеді.
Конференция жұмысына отандық және шетелдік жоғары оқу орындарының жас ғалымдары, докторанттары мен магистранттары қатыса алады.
Конференция жұмысы келесі бағыттарда жоспарланып отыр:
- Конституциялық және әкімшілік заңнаманың құқықтық негіздері;
- Азаматтық және азаматтық процестік заңнаманы қолданудың теориялық және тәжірибелік аспектілері;
- Қылмыстық және қылмыстық-процестік заңнаманы қолданудың теориялық және тәжірибелік аспектілері;
- Құқық қорғау қызметінің халықаралық құқықтық қатамасыз етілуі.
Конференцияның жұмыс тілдері: қазақ, орыс, ағылшын тілдері.
Ұсынылған материалдар конференция жұмысы басталғанға дейін жарияланады. Мақалалар тегін жарияланады. Жинаққа ISBN беріледі.
Қатысу шарты: 2020 жылғы 1 наурыздан кешіктірмей, ұйымдастыру комитетіне өтінім (өтінім үлгісі ұсынылады) мен ғылыми мақала мәтінінің электронды нұсқасын smu_apo@mail.ru электронды мекенжайына жолдау қажет.
