Ыстамбұлда түркі елдерінің судьялары мен прокурорлары Түркі елдерінің соттық оқыту желісі шеңберінде ұйымдастырылған адам құқықтары жөніндегі бағдарламаға қатысуды жалғастыруда.
Іс-шара барысында сот төрелігінің озық халықаралық стандарттары зерделенеді. Оқу сессиялары көптеген құқықтық құралдарды, атап айтқанда, Бала құқықтары туралы конвенцияны және Әйелдерге қатысты кемсітушіліктің барлық түрлерін жою туралы конвенцияны (CEDAW) қамтыды.
Сарапшылар өмір сүру, жеке бостандық және қауіпсіздік құқығын іске асыру мәселелеріне, сондай-ақ әділ сот талқылауы мен сөз бостандығын қорғау стандарттарына ерекше назар аударды. Бұл тұрғыда адам құқықтары мен негізгі бостандықтарды қорғау туралы Еуропалық конвенцияда бекітілген принциптер және Адам құқықтары жөніндегі Еуропалық соттың тәжірибесі қарастырылады.
Сонымен қатар форум аясында Академия ректоры Нұрғалым Әбдіров Түрік ынтымақтастық және үйлестіру агенттігі (TIKA) Төрағасының орынбасары Әли Ерджанмен кездесу өткізді.
Тараптар Академия мен TIKA арасындағы әріптестіктің берік сипатын нақтылады, оның шеңберінде бірлескен білім беру және ғылыми жобалар іске асырылды. Ректор Нұрғалым Әбдіров одан әрі өзара іс-қимыл үшін, оның ішінде киберқылмысқа қарсы іс-қимыл және қаржылық тергеу жөніндегі мамандарды даярлау саласындағы перспективалық бағыттар туралы көзқарасымен бөлісті.
TIKA Қазақстандық тараптың ұсыныстарын қызығушылықпен қабылдады және оларды одан әрі қарауға дайын екендіктерін білдірді. Кездесу диалогқа жаңа серпін берді және ынтымақтастықты нығайтуға өзара қызығушылықты растады.
Құқық қорғау органдары
академиясының баспасөз қызметі
Телефон: +7 (778) 555-25-15
Email: 7340114@prokuror.gov.kz
