Бас прокуратураның Құқық қорғау органдары академиясында сыбайлас жемқорлыққа қарсы іс-қимылдың және комплаенс-офицерлердің қызметіндегі қылмыстық кірістерді заңдастырудың (жылыстатудың) өзекті мәселелеріне арналған оқу іс-шарасы аяқталды.
Оқытуға су ресурстарын басқару және денсаулық сақтау саласындағы қызметті жүзеге асыратын квазимемлекеттік сектордың 18 өкілі қатысты.
Іс-шараны Академия тұрақты негізде өткізеді және үшінші рет іске асырылып отыр. Бұрын сыбайлас жемқорлыққа қарсы ведомствомен бірлесіп ұйымдастырылған оқыту курстары қатысушылардың жоғары бағасына ие болып, осы форматтың практикалық маңыздылығы мен қажеттілігін растады.
Оқыту бағдарламасы мемлекеттік сыбайлас жемқорлыққа қарсы саясаттың негізгі бағыттарын, комплаенс-процестерді автоматтандырудың заманауи цифрлық құралдарын, сондай-ақ көлеңкелі экономика деңгейін төмендетудің тиімді тәсілдерін қамтыды. Практикалық бөлім аясында қатысушылар заңсыз сыйақы мен пара алу дағдыларын қалыптастыруға бағытталған кейстік міндеттерді пысықтады.
Іс-шара қорытындысы бойынша сыбайлас жемқорлыққа қарсы іс-қимыл жүйесіндегі комплаенс-офицерлердің өсіп келе жатқан рөлі, сондай-ақ олардың кәсіби және талдамалық құзыреттерін одан әрі дамыту және ведомствоаралық өзара іс-қимылды нығайту қажеттігі атап өтілді.
Құқық қорғау органдары
академиясының баспасөз қызметі
Телефон: +7 (778) 555-25-15
Email: 7340114@prokuror.gov.kz
