Қазакстан Республикасы Бас прокуратурасының жанындағы Құқық қорғау органдары академиясында прокуратура органдарының құрылған күніне арналған салтанатты іс-шара өтті. Мерекелік бағдарламаны ректор Нұрғалым Әбдіров ашып, прокурор мамандығының маңыздылығын және Академияның жоғары құқықтық мәдениетті қалыптастырудағы және жаңа буын кадрларын даярлаудағы рөлін атап өтті.
Өз сөзінде ол Академияның 10 жылдық даму жолын, ғылыми әлеуетті нығайтуды, заманауи білім беру әдістерін енгізуді және бірқатар ірі халықаралық іс-шараларды, соның ішінде Түркі сот-құқықтық дайындық желісіне төрағалық етуді және Халықаралық заңгерлер конгресін табысты өткізуді атап өтті.
Академия қызметкерлеріне ведомстволық наградаларды тапсыру бағдарламаның жеке бөлігі болды. Қызметте жоғары нәтиже көрсеткен, білім беру және ғылыми бағыттарды нығайтқан, сондай-ақ болашақ прокурорларды даярлау жүйесін дамытуға үлес қосқан мамандарды атап өтті.
Іс-шара мерекелік концертпен және прокуратура қоғамдастығының сабақтастығы мен бірлігін білдіретін дәстүрлі ортақ фотосуретпен аяқталды.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
