2025 жылғы 25 маусымда Қазақстан Республикасы Қарулы Күштері Әскери-патриоттық мұражайының акт залында Сыбайлас жемқорлыққа қарсы қызметте жұмыс істеу үшін алғашқы кәсіптік даярлықты аяқтаған Бас прокуратура жанындағы Құқық қорғау органдары академиясының 40 тыңдаушысына сертификаттар табыстаудың салтанатты рәсімі өтті.
Сыбайлас жемқорлыққа қарсы жұмыс тек жоғары кәсібилікті ғана емес, сонымен қатар мінсіз моральдық-этикалық қасиеттерді де талап етеді. Ерлік, абырой және Отанға деген адалдықты танытатын мұражай қабырғасында құқық қорғау жүйесіне жаңадан қосылған қызметкерлерге куәлік табыстаудың символдық мәні бар.
Салтанатты шарада Сыбайлас жемқорлыққа қарсы қызметтің Төрағасы Асхат Жұмағалиұлы түлектерге құттықтау сөз арнап, Академия басшылығына сапалы даярлық үшін алғысын білдіріп, жас офицерлердің абырой, жоғары мәдениет, кәсіби этика және патриотизм үлгісіне айналатынына үміт білдірді.
Академия ректоры Марат Сексембаев өз сөзінде: «Сіздер – маңызды міндеттерді шешуге тиіс сыбайлас жемқорлыққа қарсы қызметтің жаңа буынысыздар. Әр шешімдеріңіз мұқият, заңды және әділетті болсын. Моральдық қағидаларды сақтап, адалдықтың, сабырлылықтың және кәсібиліктің үлгісі болыңыздар», – деді.
Салтанатты рәсімнен кейін музей қызметкерлері түлектерге экскурсия ұйымдастырды. Жас офицер держи Қазақстанның әскери тарихы баяндалып, ғасырлар бойы қолданылған қару-жарақ пен әскери техниканың бірегей үлгілері көрсетілді.
