2025 жылғы 6 маусымда Ресей Федерациясының астанасында «Студенттік қалқан – 2025» терроризм идеологиясына қарсы іс-қимыл саласындағы V Халықаралық студенттік бастамалар байқауының жеңімпаздары мен лауреаттарын марапаттау салтанаты өтті. Мәскеу мемлекеттік лингвистикалық университетінің 95 жылдығына арналған байқау ТМД-ға қатысушы мемлекеттердің терроризмге қарсы орталығының көмегімен өтті.
Іс-шараға сегіз елден: Армения, Беларусь, Қазақстан, Қырғызстан, Ресей, Тәжікстан, Түрікменстан және Өзбекстаннан 22 жоғары оқу орнының 229 студенті пен жас зерттеушілері қатысты. Байқауға экстремизмнің алдын алуға және терроризм идеологиясымен күресуге бағытталған 146 авторлық бастама ұсынылды.
Қазақстан Республикасы Бас прокуратурасының жанындағы Құқық қорғау органдары академиясының докторанты Аслан Аскаров «Үздік бейнеролик» номинациясында «Көрінбейтін у» авторлық жұмысын ұсынып бірінші орынды иеленді. Жоба жетекшісі Академияның әлеуметтік-гуманитарлық пәндер кафедрасының меңгерушісі Бүркіт Нұрмағамбетов болды.
«Көрінбейтін у» бейнеролигі автордың түпнұсқа сценарийі бойынша жасалған және цифрлық кеңістіктегі жастардың жасырын радикалдануы тақырыбына арналған. Метафоралар, көркем бейнелер және динамикалық бейне тізбегі арқылы интернеттегі зиянсыз қарым-қатынас қайғылы салдарға қалай әкелетінін көрсетеді. Жұмыс жоғары көркемдік деңгейімен, эмоционалды әсерімен және әлеуметтік маңыздылығымен ерекшеленді.
Жоба түсірілім процесін ұйымдастыруда жан-жақты көмек көрсеткен «Діндерді зерттеу орталығы» ЖШС көмегімен жүзеге асырылды. Академия магистранттары бейнероликте актерлер рөлін атқарды, осылайша зорлық-зомбылық идеологиясына қарсы тұрудағы ғылыми, шығармашылық және білім беру тәсілдерінің бірлігін атап өтті.
Беделді байқаудағы жеңіс қазақстандық қатысушының кәсіби және шығармашылық деңгейін мойындау және Академияның жоғары ғылыми-білім беру әлеуетінің айғағы болды. Жоба сондай-ақ құқықтық мәдениетті, терроризмге қарсы ағартуды және қауіпсіздік саласындағы халықаралық ынтымақтастықты дамытуға үлес ретінде қызмет етеді.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
