2025 жылғы 9-10 маусымда Қазақстан Республикасы Бас прокуратурасының жанындағы Құқық қорғау органдары академиясы Астанадағы ЕҚЫҰ бағдарламалар офисімен бірлесіп «Басқа елдерден электрондық дәлелдемелерді сұрау салу ерекшеліктері» тақырыбында тренинг өткізді.
Оқытуға судьялар, прокурорлар, ішкі істер және ұлттық қауіпсіздік органдарының қызметкерлері қатысты. Қатысушылар шетелдік қызмет көрсетушілерден сұрау салуды жолдау тәртібімен, оның ішінде шұғыл және тікелей сұрау салумен, сондай-ақ оларды рәсімдеудің құқықтық негіздерімен танысты.
Тренингті Грузия мен ЕҚЫҰ Хатшылығының халықаралық сарапшылары жүргізді. Теориялық сессиялар практикалық жаттығулармен толықтырылды. Адам құқықтарын сақтау және халықаралық стандарттарды қолдану мәселелеріне ерекше назар аударылды.
Іс-шара электрондық дәлелдемелермен трансшекаралық алмасу саласындағы кәсіби дағдыларды нығайтуға және ынтымақтастықты дамытуға ықпал етті.
Құқық қорғау органдары
академиясының баспасөз қызметі
Телефон: +7 (701) 512-64-30
Email: 7340104@prokuror.gov.kz
