Академияның профессорлық-оқытушылық құрамы, магистранттар мен докторанттар «Қылмысқа қарсы күрес саласындағы заңнаманы реформалау тәжірибесі» тақырыбында өткен Халықаралық ғылыми-практикалық конференцияға қатысты. Конференция Л.Н. Гумилев атындағы Еуразия ұлттық университетінде ұйымдастырылды.
Конференция Қазақстан Республикасының Қылмыстық, Қылмыстық процестік жүргізу және Қылмыстық-атқару кодекстерінің қабылданып, күшіне енгеніне 10 жыл толуына орай өтті. Іс-шараға жетекші отандық және шетелдік ғалымдар, сот жүйесі мен құқық қорғау органдарының өкілдері қатысты. Пленарлық және секциялық отырыстар барысында қылмыстық заңнаманы дамыту, оны іс жүзінде қолдану және құқықтық жүйені одан әрі модернизациялаудың перспективалары сияқты негізгі бағыттар талқыланды.
Академия өкілдері өз баяндамаларында қылмыстық саясаттың өзекті мәселелеріне, қылмыстарды саралау проблемаларына, сондай-ақ құқық саласында ғылым мен практиканың арасындағы алшақтықты жою қажеттілігіне назар аударды. Әртүрлі елдердің сарапшыларымен пікір алмасу қылмысқа қарсы күрес саласындағы өзекті міндеттерді шешуде ортақ кәсіби көзқарас қалыптастыруға ықпал етті.
Мұндай форумдарға қатысу Академияның құқық қорғау органдары үшін кадрларды даярлау жүйесіне ғылыми әзірлемелерді енгізу, халықаралық ынтымақтастықты дамыту және ұлттық заңнаманы реформалауға белсене қатысу жөніндегі стратегиялық бағытын көрсетеді.
Құқық қорғау органдары
академиясының баспасөз қызметі
Телефон: +7 (778) 615-41-81
Email: 7171498@prokuror.kz
