Құқық қорғау органдары академиясы қоғамдық қауіпсіздікті нығайтуға және құқықтық тәртіп деңгейін арттыруға бағытталған бастамаларды дәйекті түрде іске асыруда. «Заң мен тәртіп» қағидатын қоғамның негізгі құндылығы ретінде ілгерілету шеңберінде, сондай-ақ 2024-2028 жылдарға арналған қоғаммен серіктестікте қоғамдық қауіпсіздік тұжырымдамасына сәйкес «Көршілеріңді таны» пилоттық жобасын іске қосуға арналған жұмыс кездесуі өтті.
Талқылауға Академияның, Қосшы қаласы прокуратурасының, әкімдіктің және жергілікті полиция қызметінің өкілдері қатысты. Жоба азаматтар арасындағы әлеуметтік байланыстарды нығайтуға, халықтың құқықтық мәдениетін арттыруға және қоғамды құқықтық тәртіпті қамтамасыз ету процестеріне тартуға бағытталған.
Бастама азаматтарды қоғамдық қауіпсіздікті қамтамасыз етуге саналы түрде қатысуға ынталандыру арқылы тату көршілік пен өзара көмек мәдениетін дамытуға ықпал етеді. Халықты қылмыс пен құқық бұзушылықтың алдын алу процестеріне белсенді тарту — құқықтық тәртіпті сақтаудың қазіргі заманғы тәсілдерінің маңызды бөлігі болып табылады. «Көршілеріңді таны» әлеуметтік жауапкершіліктің жаңа моделін қалыптастыруға бағытталған, онда әрбір тұрғын өз ауданы мен қаласының қауіпсіздігін нығайтудағы өз рөлін түсінеді.
Қосшы қаласында бастаманы пилоттық іске асыру ұсынылған өзара іс-қимыл тетіктерінің тиімділігін бағалауға және жобаны елдің басқа өңірлеріне ауқымын кеңейту үшін практикалық негіз құруға мүмкіндік береді. Құқық бұзушылықтар туралы жедел ақпараттандыру жүйесін енгізу, халықтың құқықтық сауаттылығын арттыру бойынша ағарту іс-шараларын жүргізу, сондай-ақ құқық қорғау органдарымен өзара іс-қимыл жасайтын тұрғындардың белсенді қоғамдастықтарын құру жоспарлануда.
Жоба әкімшілік және қылмыстық құқық бұзушылық деңгейінің төмендеуіне, әлеуметтік келісімнің артуына және азаматтар мен мемлекеттік құрылымдар арасындағы сенімнің нығаюына әкеледі деп күтілуде.
Құқық қорғау органдары академиясы азаматтардың құқық қорғау құрылымдарымен өзара іс-қимылының тиімді модельдерін қалыптастыра отырып, құқықтық тәртіпті қамтамасыз ету саласындағы инновациялық шешімдерді іске асыруды жалғастыруда.
Құқық қорғау органдары
академиясының баспасөз қызметі
Телефон: +7 (778) 615-41-81
Email: 7171498@prokuror.kz
