Биылғы жылдың 24 желтоқсанында «Тәртіпті өзіңнен баста!» акциясының шеңберінде Құқық қорғау органдары академиясының ардагері, отставкадағы аға әділет кеңесшісі Дастан Дәулетияров Астана қаласының № 96 орта мектебінің 6-7 сынып оқушыларымен кездесу өткізді.
Іс-шара еркін пікірталас форматында өтті, бұл балалармен ашық және сенімді әңгіме құруға мүмкіндік берді. Кездесуге қатысушыларға жасөспірімдер арасындағы құқық бұзушылықтардың өзекті мәселелері, олардың алдын алу шаралары, сондай-ақ құқықтық тәртіп мәселелерін реттейтін заңнаманың негізгі нормалары жеткізілді.
Мектепте қорқытудың алдын алу және жастар арасында электронды темекі өнімдерін пайдаланумен күресу сияқты өзекті тақырыптарға ерекше назар аударылды. Оқушылар талқыланған мәселелерге жоғары қызығушылық танытып, сұрақтар қойып, диалогқа белсенді қатысты. Әрбір сұраққа қоғамдық, отбасылық-тұрмыстық қатынастар саласындағы қолданыстағы заңнаманың нормаларын, сондай-ақ кәмелетке толмағандар арасындағы құқық бұзушылықтардың алдын алуды түсіндіре отырып, егжей-тегжейлі жауап алды.
Әңгімелесу барысында жоғары сынып оқушылары арасында қорқытудың жекелеген жағдайлары мен электрондық темекіні пайдалану фактілері анықталды. Кездесу қорытындысы бойынша мектеп оқытушылары мен басшыларына тәрбие жұмысын күшейту, оқушылар арасында құқықтық тәртіп мәдениетін қалыптастыруға бағытталған тиімді профилактикалық іс-шараларды енгізу бойынша ұсыныстар берілді.
Бұл кездесу «Тәртіпті өзіңнен баста!» ауқымды акцияның маңызды жалғасы болды. Акция іс-шараларына Академия ардагерлері белсенді түрде қатысуда, олар жеке мысал рет ретінде заңды сақтаудың маңыздылығын көрсетіп, жас ұрпақты құқықтық тәрбиелеуге күш салуда.
Құқық қорғау органдары академиясы акция шеңберінде жастар арасындағы құқық бұзушылықтардың алдын алуға, заңдарды құрметтеуге тәрбиелеуге және қоғамдағы құқықтық тәртіп құндылықтарын нығайтуға бағытталған іс-шараларды іске асыруды жалғастырады.
Құқық қорғау органдары академиясының
баспасөз қызметі
Телефон: +7 (778) 615-41-81
Email: 7171498@prokuror.kz
