2024 жылғы 20-22 қараша аралығында Құқық қорғау органдары академиясында ЕҚЫҰ-ның Астанадағы бағдарламалар кеңсесінің қолдауымен терроризм мен экстремизмге қарсы іс-қимылдың өзекті мәселелеріне арналған семинар-тренинг өтті. Іс-шараға прокуратураның, ішкі істер органдарының және экономикалық тергеу қызметінің өкілдері қатысты. Оларға осы санаттағы қылмыстарды тергеудің заманауи тәсілдері ұсынылды.
Терроризм мен экстремизм ұлттық және жаһандық қауіпсіздікке ең үлкен қауіптердің бірі болып қала беруде. Қазақстанда 2024 жылдың тоғыз айында мұндай қылмыстардың саны 39% — ға өсті, бұл осы бағыттағы алдын алу шараларын күшейту қажеттігін көрсетеді.
Семинар-тренинг барысында интернет арқылы белсенді таралатын экстремистік идеялармен күресудің жаңа әдістерін әзірлеуге және енгізуге ерекше назар аударылды. Қатысушылар экстремистік материал мен сөз бостандығын ажыратуға бағытталған Академияның әдістемелік ұсынымдарының жобасымен танысты. Талқылаудың маңызды аспектісі қазіргі тергеушілер мен прокурорлар үшін маңызды дағды болып табылатын дәлелдемелерді іздеу және бекіту үшін ақпараттық-коммуникациялық технологияларды қолдану болды.
Іс-шара аясында қатысушылар терроризмді қаржыландыруды анықтау мен жолын кесудің тиімді тәсілдерін қарастырды, сондай-ақ трансұлттық қылмыстармен күресте шешуші рөл атқаратын халықаралық ынтымақтастық мәселелерін талқылады. Семинар құқық қолданушыларға өз білімдерін тереңдетіп қана қоймай, практикалық тәжірибе алмасуға мүмкіндік берді, бұл осы қауіп-қатерлерге қарсы тұруда бірыңғай стандарттарды әзірлеуге ықпал етеді.
Осындай іс-шараларды өткізу Қазақстанның құқық қорғау органдары үшін жоғары білікті кадрларды даярлаудың маңыздылығын атап көрсетеді. Академия елдегі қауіпсіздік пен құқықтық тәртіпті қамтамасыз ету үшін инновациялық тәсілдер мен үздік әлемдік тәжірибелерді енгізу бойынша жұмысты жалғастыруда. Семинар-тренингтің қорытындысы тергеу және экстремизм мен терроризмге қарсы іс-қимыл әдістемелерін одан әрі жетілдіру үшін негіз болады.
Құқық қорғау органдары академиясының
баспасөз қызметі
Телефон: +7 (778) 615-41-81
Email: 7171498@prokuror.kz
