Бүгін құқық қорғау органдары академиясы Еуропа Кеңесімен бірлесіп қаржылық тергеулерге және киберқылмыстарға қарсы іс-қимылға, соның ішінде бопсалаушы бағдарламалық қамтамасыз етумен байланысты қатерлерге арналған қазақстандық құқық қорғау органдарының өкілдері үшін мамандандырылған тренинг өткізді (ransomware).
Іс-шара Еуропа Кеңесінің киберқылмысқа қарсы күрес жөніндегі жобасы шеңберінде өтті және жетекші халықаралық сарапшылар, сондай-ақ Қазақстанның прокуратураcынан, ішкі істер органдарынан, экономикалық тергеу қызметінен және сыбайлас жемқорлыққа қарсы қызметінен қатысушылар жиналды. Тренинг құқық қорғау органдарының қаржылық қылмыстарды тергеу саласындағы кәсіби дағдыларын жетілдіруге, сондай-ақ криптовалюта, қараңғы желі және әлеуметтік инженерия әдістерін қолдана отырып жасалған киберқылмыстарды ашуға бағытталған.
Тренинг барысында қатысушылар қылмыстық ақша ағындарын қадағалау, виртуалды активтерді тәркілеу және көлеңкелі интернеттегі криптографиялық тұрғыдан қорғалған коммуникацияларды талдау әдістерімен танысты.
Бағдарламаға қаржылық қылмыстардың типологиялары, киберқылмыстарды тергеудің техникалық және құқықтық құралдары туралы білімді тереңдетуге бағытталған дәрістер, практикалық сессиялар және топтық талқылаулар кірді.
Алынған білімді модельденген жағдайларда практикалық қолдануға ерекше назар аударылды, бұл қатысушыларға нақты міндеттерге жақын құнды тәжірибе алуға мүмкіндік берді. Тренинг Қазақстанның киберқауіпсіздік саласындағы әлеуетін нығайтудағы маңызды қадам болды, ал құрылған кәсіби байланыстар желісі одан әрі тәжірибе алмасуға және киберқылмыспен бірлескен күреске ықпал ететін болады.
Еуропа Кеңесі киберқауіптерге қарсы күрес саласында сараптамалық және техникалық көмек көрсете отырып, Қазақстанмен ынтымақтастықты жалғастыруға өзінің дайындығын растады.
Құқық қорғау органдары академиясының
баспасөз қызметі
Телефон: +7 (778) 615-41-81
Email: 7171498@prokuror.kz
