Құқық қорғау органдары академиясының алғашқы кәсіби даярлық курстарының тыңдаушылары Қазақстан Республикасы Қарулы Күштерінің Ұлттық музейі мен Әскери-патриоттық орталығында болды. Сапар 1990 жылы Қазақ КСР-нің Мемлекеттік егемендігі туралы Декларацияның қабылдануына орай жыл сайын 25 қазанда атап өтілетін Қазақстан Республикасының күніне орайластырылды.
Болашақ прокурорлар қазақ халқының, қазіргі Қазақстан аумағында өмір сүрген тайпалары мен халықтарының мәдени дамуының куәсі болып отырған бірегей көрмелер мен мұражай құжаттары арқылы Қазақстанның көне дәуірден бүгінгі күнге дейінгі тарихымен танысуға мүмкіндік алды.
Мұражайлардың қолдауымен ұйымдастырылған мұндай шаралар жас мамандарға өткеннің мәдени мұрасына қол тигізіп қана қоймай, өз халқының тарихын тереңірек түсінуге, шабыт пен жарқын әсер алуға мүмкіндік береді, бұл құқық қорғау органдары қызметкерлерінің кәсіби қызметінде құндылықтар мен мотивацияны қалыптастыру үшін ерекше маңызды.
Құқық қорғау органдары академиясының
баспасөз қызметі
Телефон: +7 (778) 615-41-81
Email: 7171498@prokuror.kz
