Бүгін Құқық қорғау органдары академиясының Ведомствоаралық ғылыми-зерттеу институтының қызметкерлері Президенттік кадрлық резервке қатысушыларға сабақ өткізді. Институттың ғылыми-зерттеу қызметі, құқық қорғау органдары қызметкерлерінің күнделікті жұмысын сапалы ғылыми қамтамасыз ету үшін ынтымақтастық пен өзара іс-қимыл әлеуеті туралы шолу ақпарат берілді.
Іс-шара барысында жаппай тәртіпсіздіктерді тергеп-тексеру, азаптаулардың алдын алу және жымқырылған активтерді қайтару негізгі тақырыптары бойынша әдістемелік ұсынымдар ұсынылды. Авторлар «жаппай тәртіпсіздіктер» ұғымын егжей-тегжейлі сипаттап, оларды саралау мен тергеу әрекеттеріне жаңа тәсілдер ұсынды. Сондай-ақ заңсыз жұмыс әдістеріне бейім адамдарды ерте анықтау арқылы азаптаулардың алдын алу бойынша ұйымдастыру шаралары қарастырылды. Активтерді қайтару маңызды тақырып болды: кәсіби тілдік аударманың құқықтық аспектілері және осы процестердің тиімділігін арттыратын халықаралық құқықтық көмек талқыланды.
Сонымен қатар, ұлттық және халықаралық заңнама материалдары негізінде активтерді қайтару туралы істерді дәлелдеу бойынша оқу құралы таныстырылды. Әдістемелікте оқытушыларға да, құқық қорғау органдарының қызметкерлеріне де өзекті теориялық және практикалық материалдар бар.
Сабақ Президенттік резервке қатысушыларды заманауи сын-қатерлер мен қауіптер жағдайында практикалық жұмыстарға дайындаудың бір бөлігі болды.
Құқық қорғау органдары академиясының
баспасөз қызметі
