Құқық қорғау органдары академиясында дәстүрлі түрде кәсіби даярлыққа ғана емес, сонымен қатар тыңдаушылардың бойында терең патриоттық, адамгершілік және рухани құндылықтарды қалыптастыруға бағытталған тәрбие жұмысына да көңіл бөлінеді. Осы жұмыс аясында Қазақстан Республикасы Президенттік орталығының мұражайына сапар ұйымдастырылды.
Тыңдаушылар музейдің жарияланғаннан бастап қазіргі уақытқа дейінгі Қазақстан Республикасы тәуелсіздігінің қалыптасуы мен даму тарихын көрсететін бірегей экспозицияларымен танысты. Экспонаттардың ішінде еліміздің тәуелсіздігін бірінші болып мойындаған елдер өкілдерінің дипломатиялық сыйлықтары, мемлекеттік жоғары наградалар, мемлекеттік медальдар, үкіметтік емес және қоғамдық ұйымдардың наградалары бар.
Осы күндері Президенттік Орталықта өтіп жатқан «Біріктіруші өнер: Қазақстан-Үндістан» көрмесі ерекше қызығушылық тудырды. Көрме аясында Үнді суретшісі Рам Виранжанның жұмыстары, сондай-ақ кәсіби емес суретшілердің «Немалевичи» акварель шеберханасына қатысушылардың туындылары ұсынылды. Көрме Қазақстан мен Үндістан арасындағы мәдени байланыстарды нығайтуға және екіжақты қатынастарды дамытуға бағытталған.
Мұражай мен көрмелерге бару тыңдаушыларға өткеннің мәдени мұрасына қол тигізіп қана қоймай, жаңа жетістіктерге шабыт беріп, көптеген жарқын әсерлер алуға мүмкіндік берді.
Құқық қорғау органдары академиясының
баспасөз қызметі
