Академияда «Жусан» гуманитарлық арнайы операциясы шеңберінде жанжал аймақтарынан елге оралған әйелдер мен балаларды оңалту және реинтеграциялау мәселелеріне арналған ведомствоаралық семинар-тренинг басталды.
ҰҚК қызметкерлері, ІІМ және Құқық қорғау органдары академиясының тыңдаушылары үшін тренинг БҰҰ-ның Есірткі және қылмыс жөніндегі басқармасының, ЕҚЫҰ-ның Астанадағы Бағдарламалар офисінің, «Орталық Азиядағы зорлық-зомбылық экстремизмінің алдын алу» GIZ жобасының өкілдіктерімен, сондай-ақ Астана қаласы бойынша Діндерді зерттеу орталығымен бірлесіп ұйымдастырылды.
Семинарға қатысушылар Сирия мен Ирактан эвакуацияланған әйелдер мен балаларды оңалту және реинтеграциялау бағдарламаларын іске асыру, оларға қажетті әлеуметтік қолдау көрсету және қоғамға бейімделу бойынша Орталық Азия елдерінің тәжірибесімен танысты.
Құқық қорғау органдары Академиясының
баспасөз қызметі
