Қазақстан халқы тілдері күні қарсаңында Академияда алғаш рет «Конституция – адам бостандығының кепілі» тақырыбы бойынша қазақ тілінде жаппай диктант өткізілді.
Бұқаралық диктант тыңдаушылар мен қызметкерлерді патриоттық тәрбиелеуге, сауатты жазу мәдениетін насихаттауға, мемлекеттік тілді білу проблемасына жұртшылықтың назарын аударуға бағытталған.
Іс-шара Қазақстан халқының тілдерінің алуан түрлілігін және олардың елдің тарихы мен болашағын қалыптастырудағы рөлін құрметтеу мен түсіну жолындағы елеулі қадам болды.
Мұндай іс-шараларды өткізу қоғамдағы мәдени және тілдік байланысты нығайтып қана қоймайды, сонымен қатар әртүрлі этникалық және тілдік топтар арасындағы өзара түсіністікке ықпал етеді.
Кері байланыс барысында қатысушылар оң әсерін атап өтіп, диктант жазуды жыл сайынғы дәстүрге айналдыруға ниет білдірді.
Құқық қорғау органдары академиясының
баспасөз қызметі
