24-28 сәуір аралығында ОАӨАҮО базасында Алматы қаласында есірткі қылмыстарынан алынған кірістерді заңдастыруға (жылыстатуға) қарсы іс-қимыл бойынша екінші халықаралық симуляциялық тренинг өтті.
Құқық қорғау органдарының қызметкерлерін оқытуға арналған симуляциялық жаттығудың сценарийін Құқық қорғау органдары академиясы Қазақстан Республикасының ҚММ, ІІМ және ҰҚК сарапшыларымен бірге дайындады.
Оқыту бағдарламасы есірткіге байланысты ақшаны жылыстатуға қарсы күрестің ең жаңа әдістері мен стратегияларын модельдеудің озық технологияларын пайдаланады, сондай-ақ қатысушыларға есірткі саудагерлерінің қаржылық айла-амалдарын анықтау және жолын кесуде практикалық тәжірибе алуға көмектескен нақты сценарийлер мен практикалық сабақтарды қамтиды.
Академия проректоры Маралбек Ешімов атап өткендей: «Біздің оқу бағдарламамыз қызметкерлерге қылмыскерлерден озып кету және олардың заңсыз әрекеттерінің жолын кесу үшін қажетті білім мен дағдыларды беруге бағытталған».
Оқытудан Жетісу, Атырау, Абай және Ұлытау облыстарының, сондай-ақ Қырғыз Республикасының прокуратура, ұлттық қауіпсіздік, ішкі істер және қаржы мониторингі органдарының өкілдері өтті. Симуляциялық тренингке Қазақстан Республикасы Бас прокуратурасының орталық аппаратының қызметкерлері де қатысты.
Сарапшы ретінде БҰҰ ЕҚЫҰ-ның Орталық Азиядағы өңірлік кеңсесінің, АҚШ-тың Қазақстандағы елшілігінің Халықаралық есірткіге қарсы күрес және заңдылықты сақтау бөлімінің (INL), ЕҚЫҰ-ның Астана қаласындағы Бағдарламалар кеңсесінің және ОАӨАҮО өкілдері сөз сөйледі.
Тренинг аталған тақырыптар бойынша оқыту іс-шараларының сериясын аяқтады. Екінші жартыжылдықтан бастап Академия Жаһандық қауіп-қатерлерге қарсы іс-қимыл жөніндегі өңірлік хаб ретінде криптовалюта арқылы жасалған қылмыстарды тергеу бойынша оқытудың жаңа сценарийін әзірлеуге кіріседі.
Құқық қорғау органдары академиясының Баспасөз қызметі
