Даркнеттегі қылмыстарды тергеу мәселелері бойынша семинар

Бүгін Орталық Азия құқық қорғау органдарының қызметкерлеріне арналған даркнет желісіне байланысты қылмыстарды тергеу мәселелеріне арналған оқу семинары аяқталды.
Іс-шара Жаһандық қауіп-қатерлерге қарсы іс-қимыл жөніндегі өңірлік хаб базасында Қазақстандағы АҚШ Елшілігімен бірлесіп ұйымдастырылды.
Күн тәртібі аясында даркнеттің деструктивті әсерінің, киберқылмыстың алдын алудың және интернеттің көлеңкелі секторында тергеу жүргізудің өзекті мәселелері талқыланды.
Тренингке қатысушылар қауіпсіз навигация және туындайтын қауіп-қатерлерге дұрыс әрекет ету әдістерімен, көлеңкелі желіде дәлелдемелерді жинау және сақтау құралдарымен танысты. «Қараңғы веб-ресурстарды» шарлауды, табуды және талдауды үйренді.
Сарапшылар ретінде АҚШ Құпия қызметі мен Полициясының мамандары сөз сөйледі.